Mantri Yaklep pacaran deng anak SMA… Pas hari Jumat siang pulang kerja tempo jadi, Pace Yaklep ko apel perempuan pu rumah… Pas perem ada duduk potong sayur… dorang dua cerita rame e...
Yaklep : "Ade, ko tau di dunia nih kak cuma sayang ko saja..."
Perem : "Aeh, stop sudah..."
Yaklep: "Beh, ade… kaka tra tipu..."
Perem : "Iyo, ntar balik ke rumah sakit... ktemu suster satu bilang begitu juga.."
Yaklep : "Siooo... ade kak tra tipu..."
Perem : "Sa tra percaya..."
Yaklep: "Ade... klo ko tra percaya, ko blah kk pu dada sudah... ko liat... cuma ko pu nama saja yang ada di situ..."
Pas perem ko ada pegang pisau n mo iris bawang.... dan perem ko tekan pisau di bawang.
Yaklep : "Sungguh-sungguh sampe kena di papan iris ka ini..."
Perem : "Ah, kaka... betul ka?" (sambil kas tunjuk pisau)
Yaklep: "Ah, ade... lebih baik USG saja sudah... supaya ko liat ko pu nama yang kaka tulis...
Minta Uang Kuliah
Yakop anak laki-laki Yaklep yang sedang kuliah di luar Papua kirim surat ke de pu bapa di Papua.
"Bapa... mengingat krana uang ADMINISTRASI de uang SEMESTERISASI nae de uang PACARANISASI trus bertambah maka, uang TRANSFERISASI harus kase nae...."
Trus tra lama begini surat tiba de pu bapa. Trus Yaklep balas surat bilang,
"Anak... mengingat karena hasil KEBUNISASI dan PANENISASI bakurang maka ko mending pulang untuk MENCANGKULISASI di KEBUNISASI supa bisa penuhi ko punya PERMINTANISASI... kalo ko tra mau nanti PARANGNISASI menyusul kesana..."